Nýggjur nethandil til Árstíðirnar – Blómur.fo
Vit í Ordient hava ment og útgivið ein nýggjan nethandil til Árstíðirnar, Blómur.fo.
Endamálið við verkætlanini var at skapa ein innbjóðandi og brúkaravinarligan nethandil, sum endurspeglar handverkið og náttúrliga stílin hjá Árstíðunum. Dentur hevur verið lagdur á stórar vørumyndir, róligar litir og eina greiða uppseting, so kundin lætt kann finna blómur til bæði gerandisdagin og serlig høvi.
Á síðuni kunnu kundar kanna úrvalið av bukettum, kransum, kistuprýði og øðrum blómum. Serligur dentur er lagdur á, at tað skal vera einfalt at finna rættu blómurnar til bæði gleðiligar og sorgarbundnar løtur og fáa ta kunning, sum tørvur er á undan bíleggingini.
Samstundis hevur tað verið týdningarmikið, at nethandilin virkar væl á øllum eindum – bæði teldu, tablet og telefon. Vit hava arbeitt við navigatiónini, vørusíðunum og keypsgongdini, so kundin fær eina samanhangandi uppliving frá fyrstu vitjan til bílegging.
Við hesum hava vit skapt ein nethandil til Árstíðirnar, sum gevur blómunum eina vakra karm og ger tað lætt hjá kundum at kanna úrvalið og bíleggja á netinum.